არგენტინაში საპრეზიდენტო არჩევნები მიმდინარეობს. წინასწარი გამოკითხვების მიხედვით, ქვეყანაში პოლიტიკური კურსის მკვეთრი ცვლილება მოხდება. არგენტინის ამჟამინდელი პრეზიდენტი მაურისიო მარკი დიდი ალბათობით არჩევნებში გამარჯვებას ვერ შეძლებს.

სოციოლოგიური გამოკითხვის თანახმად, გამარჯვების ყველაზე დიდი შანსი მემარცხენე ცენტრისტ კანდიდატს, ალბერტო ფერნანდესს აქვს.

აღსანიშნავია, რომ წინასაარჩევნო პერიოდის მთავარი თემა არგენტინის ეკონომიკური პრობლემები იყო, რადგან ბოლო პერიოდში ქვეყნის ეკონომიკამ მნიშვნელოვანი რეგრესი განიცადა. ამიტომ მოსახლოების უმეტესობა მაურისიო მარკის ეკონომიკური პოლიტიკით უკმაყოფილოა. მისი მმართველობის პერიოდში არგენტინული პესო დოლართან მიმართებაში თითქმის 6-ჯერ გაუფასურდა.