თეოლოგი ლევან აბაშიძე - შესაძლოა, მეუფე იაკობის განცხადებები იყოს გამიზნული პროვოკაცია

თეოლოგ ლევან აბაშიძის განცხადებით, შესაძლოა, ბოდბელი მთავარეპისკოპოსის, მეუფე იაკობის განცხადებები გამიზნული პროვოკაციის ნაწილი იყოს.

მისივე თქმით, არაა გამორიცხული, რომ ეს პროვოკაცია ოპოზიციის ინტერესებში შედიოდეს.

„დასაფიქრებელია, რომ სწორედ მაშინ, როდესაც დელეგაცია, რომელსაც ხელმძღვანელობდა მეუფე შიო, იყო ამერიკაში და შეხვდა იმ პირებს, რომლებიც განსაზღვრავენ ამერიკის პოლიტიკას, ასევე პირებს, ვინს რელიგიის საკითხებს კურირებს, იმის მაგივრად, რომ ვმსჯელობდეთ ამ შეხვედრაზე, იმაზე ვმსჯელობთ, რუსეთის გავლენით დაინიშნა თუ არა მეუფე შიო. ამიტომ, შესაძლოა ასეთ დროს მეუფე იაკობის განცხადებები იყოს გამიზნული პროვოკაცია. ეს შესაძლოა, იყოს ოპოზიციის ინტერესებში",- განაცხადა თეოლოგმა.

რაც შეეხება სინოდის კრებას, აბაშიძის შეფასებით, სხდომაზე სავარაუდოდ, მეუფე იაკობის სკანდალურ გამონათქვამებს განიხილავენ.

„სინოდის კრების სავარაუდო მიზეზი იაკობის სკანდალური გამონათქვამებია. ეს საკითხები აუცილებლად იქნება განხილული. შესაძლოა, დამატებითი გადაწყვეტილება არც იყოს მიღებული და ვერ გავიგოთ, რაზე იყო იქ საუბარი", - განაცხადა აბაშიძემ.

ამასთან, ლევან აბაშიძე აცხადებს, რომ პატრიარქის გადადგომის საკითხი წარმოუდგენელია და ასეთი რამ ქართულ ეკლესიას არ ახსოვს.

მისივე თქმით, ალბათობა, რომ ასეთი რამ მოხდეს, ძალიან მცირეა.

„პატრიარქის გადაყენების შესახებ პირველად მესმის ახლა. ეს დაუჯერებელია. ასეთი რამე, როგორც მე ვიცი, ჩვენს ეკლესის არ ახსოვს. ამიტომ ეჭვის თვალით ვუყურებ ამას. ძალიან პატარა ალბათობაა, რომ ასეთი რამ იყოს",- განაცხადა აბაშიძემ.

წმინდა სინოდის კრება დღეს გაიმართება.

შეგახსენებთ, რომ ბოდბელი მთავარეპისკოპოსის, მეუფე იაკობის მიერ რამდენიმე დღის წინ გაკეთებული განცხადებით, გიორგი კვირიკაშვილი, გიორგი გახარია და ვახტანგ გომელაური მას პატრიარქის გადაყენებაში დახმარებას სთხოვდნენ.

იხილეთ ვიდეო: თეოლოგი ლევან აბაშიძე - შესაძლოა, მეუფე იაკობის განცხადებები იყოს გამიზნული პროვოკაცია

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 21.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
რესქულში უძრავი ქონების შეფასების კურსი 25 ნოემბერს დაიწყება
კომპანია „ფრეგო“-ს მთავარი ინვესტორის ღია წერილი
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)