თბილისის საქალაქო სასამართლოში, ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით დაკავებული მიხეილ კალანდიას სასამართლო პროცესი მიმდინარეობს.
სასამართლო პროცესზე დღეს მოწმეები დაიკითხებიან.
კალანდიას ადვოკატის, ზურაბ თოდუას თქმით, დღეს პროცესის გასაჯაროებასთან დაკავშირებით დაცვის მხარე შუამდგომლობას არ დააყენებს.
„ჩვენ სხდომის გასაჯაროებასთან დაკავშირებით დღეს შუამდგომლობა არ გვაქვს, ვამზადებთ. მიმდინარეობს წარმოდგენილი მოწმეების დაკითხვა. წარმოდგენილია სავარაუდოდ, ორი სრულწლოვანი. ვნახოთ, რა ინფორმაციებს მიაწვდიან და იმის მიხედვით გვექნება კითხვები“, - განაცხადა ადვოკატმა ზურაბ თოდუამ სასამართლო სხდომის დაწყებამდე.
ცნობისთვის, მიხეილ კალანდია ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცავებმა 2019 წლის 4 ივნისს დააკავეს.