ზურაბ ჯაფარიძე კახა კალაძეს „შმაქსზე" და ტაქსების რეფორმაზე სასაუბროდ დებატებში იწვევს

„შმაქსის" მძღოლებმა და „გირჩის" ლიდერებმა შსს-დან თბილისის მერიის შენობასთან გადაინაცვლეს. მერიასთან შეკრებილები თბილისის მერთან, კახა კალაძესთან შეხვედრას და ტაქსების რეგულაციასთან დაკავშირებით გასაუბრებას ითხოვენ.

ამასთან, „გირჩის" ლიდერი ზურაბ ჯაფარიძე კახა კალაძეს დებატებში იწვევს. მისი თქმით, ის მზად არის ნებისმიერ ეთერში გაესაუბროს კალაძეს „შმაქსისა" და ტაქსების რეფორმასთან დაკავშირებით.

„შმაქსის" მძღოლები და „გირჩის“ ლიდერები თავდაპირველად „რესპუბლიკის მოედანთან" შეიკრიბნენ, სადაც მათი აქციის მიზეზებზე ისაუბრეს.

„გირჩის" ლიდერის, ზურაბ ჯაფარიძის განცხადებით, მათი მოთხოვნაა, რომ პატრულმა აღარ დააჯარიმოს „შმაქსის" მძღოლები და ასევე შეწყდეს ტაქსების რეფორმა.

ჯაფარიძის თქმით, „ შმაქსი", რომელიც „გირჩის " მიერ არის დაფუძნებული, რეალურად საგნამანათლებლო საქმიანობას ეწევა, ხოლო მოქალაქე, რომელიც „შმაქსის" მომსახურებით სარგებლობს, ფულს „შმაქსის" მძღოლის მიერ წაკითხულ ლექციაში იხდის და არა მგზავრობის ღირებულებას.

ამ მოთხოვნებით, „შმაქსის" მძღოლებმა და „გირჩის" ლიდერებმა შსს-სთან, შემდეგ კი მერიასთან გადაინაცვლეს.

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
ქართული პრესის მიმოხილვა 12.11.2019
ვახტანგ ძაბირაძე - ოპოზიციაში არ ჩანს ოპოზიციური ძალა, რომელიც ოპოზიციურად განწყობილი პოლიტიკური ძალებისა და ელექტორატის ლიდერი გახდებოდა
„სამ რაან სპა-ცენტრი“ ევროპის საუკეთესო სპად დასახელდა