ჩვენ ამ უმძიმესი ცოდვის პროპაგანდას არასდროს გავიზიარებთ, - ამის შესახებ ქუთათელ-გაენათელმა მიტროპოლიტმა, მეუფე იოანე გამრეკელმა ჟურნალისტებს განუცხადა, როდესაც უპასუხა ფილმ „და ჩვენ ვიცეკვეთ“ ჩვენებასთან დაკავშირებით დასმულ შეკითხვას.

ის მიიჩნევს, რომ „ფილმის პრემიერა კი არა, ამაზე საერთოდ ლაპარაკი არ უნდა იყოს“.

„არც ერთი რელიგია ამ ცოდვას არ იწყნარებს. ეს ღვთისაგან დაგმობილია. ამიტომ, ცხადია, რომ ჩვენ ამ უმძიმესი ცოდვის პროპაგანდას არასდროს გავიზიარებთ. არ გვესმის, მაინც და მაინც სიბინძურე რატომ უნდა გაცხადდეს და არა სიწმინდე?! რატომ აკეთებთ ამას, ჩემთვის გაუგებარია. თქვენ წამლავთ მოზარდ თაობას, როცა სიბინძურის, სიბილწის, გარყვნილების ან პათოლოგიური დანაშაულის, ან შეიძლება პათოლოგიური დარღვევის პროპაგანდას ეწევით?! ჩემთვის ეს გაუგებარია“, - განაცხადა მეუფე იაონემ.