კინოთეატრ „ამირანში“ ფილმის "და ჩვენ ვიცეკვეთ" ჩვენებაზე მოქალაქეთა შეშვება დაიწყო. კინოთეატრთან პოლიციაა მობილიზებული და მაყურებლები მშვიდ ვითარებაში ახერხებენ დარბაზში შესვლას.

„ამირანის“ მოპირდაპირე მხარეს კი ფილმის საწინააღმდეგო აქცია მიმდინარეობს, სადაც დეკანოზი დავით ისაკაძე პარაკლისს ატარებს. ადგილზე ამჟამად არ იმყოფება ლევან ვასაძე.

ლევან ვასაძე და მისი თანამოაზრეები ვერის პარკში შეიკრიბნენ, სადაც ლევან ვასაძემ მათ სიტყვით მიმართა, რის შემდეგაც შეკრებილებმა კინოთეატრის წინ გადმოინაცვლეს.