დიმიტრი ცქიტიშვილი - თუ პარტიას, უმრავლესობას არ უნდა თავისივე გადაწყვეტილება შეასრულოს, მას არ აქვს უფლება იყოს ხელისუფლებაში
თუ პარტიას, უმრავლესობას არ უნდა თავისივე გადაწყვეტილება შეასრულოს, მას არ აქვს უფლება იყოს ხელისუფლებაში, ამიტომაც მე ვტოვებ ხელისუფლებას,- ამის შესახებ ჟურნალისტებთან დეპუტატმა დიმიტრი ცქიტიშვილმა განაცხადა, რომელმაც რამდენიმე დეპუტატთან ერთად საპარლამენტო უმრავლესობა დატოვა.
როგორც მან აღნიშნა, გადაწყვეტილება სპონტანურია, რადგან ფიქრობდა, რომ პარლამენტი საარჩევნო კოდექსთან დაკავშირებულ ცვლილებას არ ჩააგდებდა.
„ველოდები, რომ უკმაყოფილო ბევრი იქნება. ფრაქცია შეიქმნება თუ არა, ეს იქნება მომავლის საქმე. ალბათ, მოსალოდნელი უნდა ყოფილიყო, ჩვენ ამ პოზიციას ვიცავდით რამდენიმე დღის განმავლობაში ძალიან პრინციპულად და არა თუ ჩვენს, პარტიის ლიდერების მიერ გაჟღერებულ პოზიციას ვიცავდით“, - განაცხადა დიმიტრი ცქიტიშვილმა.
შეგახსენებთ, პარლამენტმა საარჩევნო სისტემის ცვლილებასთან დაკავშირებით კონტიტუციურ კანონში ცვლილებები პირველი მოსმენით ჩააგდო.
პლენარულ სხდომაზე რეგისტრაცია 141-მა დეპუტატმა გაიარა. პროპორციულ საარჩევნო სისტემაზე გადასვლას პირველი მოსმენით 101-მა დეპუტატმა, მათ შორის ოპოზიციონერმა დეპუტატებმა დაუჭირეს მხარი. წინააღმდეგ კი 3 დეპუტატი წავიდა, თუმცა კვორუმი 113 ხმა იყო, რის გამოც კანონპროექტი ჩავარდა.
v-if="article.gallery" v-html="article.gallery"
