მამუკა მდინარაძე - ოპოზიციის წარმომადგენლებს დავუსვამდი კითხვას - აწყობთ, თუ არა მათ ვადამდელი საპარლამენტო არჩევნები?

ოპოზიციის წარმომადგენლებს დავუსვამდი კითხვას, აწყობთ, თუ არა მათ ვადამდელი საპარლამენტო არჩევნები?- ეს სერიოზული და აქტუალური კითხვაა,- ამის შესახებ ფრაქცია "ქართული ოცნების" თავმჯდომარე მამუკა მდინარაძემ ჟურნალისტებს განუცხადა, რითაც ოპოზიციის გეგმებს და მოთხოვნებს გამოეხმაურა.

ამასთან, მამუკა მდინარაძის თქმით, ნებისმიერ შემთხვევაში და სისტემაში, "ქართული ოცნების" მხარდაჭერა 50% -ზე მეტია.

"განწყობებიდან გამომდინარე, "ქართული ოცნება" ნებისმიერ დროს, ნებისმიერ სისტემაში, პროპორციულ თუ შერეული სისტემით ჩატარებულ არჩევნებს, ყველა ვარიანტში მოიგებს, ღრმად ვარ დარწმუნებული. თქვენ ნახავთ, რომ 2020 წლის საპარლამენტო არჩევნებს ნებისმიერ შემთხვევაში "ქართული ოცნება" მოიგებს. ჩვენ პრობლემას ვერანაირი წესით ჩატარებულ არჩევნებში ვერ ვხედავთ“, - განაცხადა მდინარაძემ.

ცნობისთვის, „ევროპული საქართველოს“ ერთ-ერთი ლიდერი გიგა ბოკერია აცხადებს, რომ ოპოზიციის მოთხოვნა ვადამდელი და პროპორციული არჩევნებია. ბოკერიამ აღნიშნული განცხადება ოპოზიციური პარტიების შეხვედრის შემდეგ განაცხადა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა