ჩრდილოეთ კორეის ლიდერმა კიმ ჩენ ინმა ქვეყანაში მიმდინარე სამხედრო-საჰაერო ძალების წვრთნების ზედამხედველობა ბოლო სამი დღის განმავლობაში მეორედ განახორციელა იმ ფონზე, როცა შეერთებულმა შტატებმა და სამხრეთ კორეამ ერთობლივი საჰაერო წვრთნების გადადების გადაწყვეტილება მიიღეს, - ამის შესახებ ინფორმაციას „როიტერსი“ ჩრდილოეთ კორეულ მედიაზე დაყრდნობით ავრცელებს.
„ჩრდილოეთ კორეული სამხედრო შენაერთების უკეთ მოსამზადებლად აუცილებელია, წვრთნები ისეთ პირობებში ჩატარდეს, რომელიც რეალური ომის სიმულაციას წარმოადგენს,“- განაცხადა კიმ ჩენ ინმა.
ამერიკის შეერთებულმა შტატებმა და სამხრეთ კორეამ სამხედრო სწავლების გადადების შესახებ განაცხადეს. როგორც სეულში ოფიციალური ვიზიტით მყოფმა აშშ-ის თავდაცვის მდივანმა განაცხადა, მიღებული გადაწყვეტილება კეთილი ნების ჟესტია, რომლის მიზანიც დიპლომატიისა და მშვიდობის ხელშეწყობაა.
ამერიკის შეერთებულმა შტატებმა და სამხრეთ კორეამ სამხედრო სწავლების გადადების შესახებ გადაწყვეტილება მიიღეს, რათა ამ გზით ჩრდილოეთ კორეასთან ბირთვულ საკითხებზე მოლაპარაკებები გაემარტივებინათ. სეულში ოფიციალური ვიზიტით მყოფმა აშშ-ის თავდაცვის მინისტრმა მაიკ ესპერამ განაცხადა, რომ მიღებული გადაწყვეტილება კეთილი ნების გამოხატულებაა, რომლის მიზანიც მშვიდობის ხელშეწყობაა.
აღნიშნული გადაწყვეტილების გახმოვანების შემდეგ აშშ-ის პრეზიდენტმა დონალდ ტრამპმა სოციალურ ქსელ „ტვიტერში“ პოსტი გამოაქვეყნა, სადაც ის ჩრდილოეთ კორეის ლიდერს მიმართავს:
„კიმ, სწრაფად უნდა იმოქმედო, რათა აშშ-სთან შეთანხმებას მიაღწიო. შეხვედრამდე!“- წერს ტრამპი.