პარლამენტის შენობის წინ მიმდინარე აქციაზე, თუ იმდენი ხალხი იქნება, რომ საავტომობილო გზა გადაიკეტოს, საპატრულო პოლიცია, კანონის შესაბამისად, ამის საშუალებას მისცემს აქტივისტებს. ამის შესახებ ერთ-ერთმა აქტივისტმა სიტყვით გამოსვლისას განაცხადა.

"სულ მალე მოიხსნება პატრულის ერთი ხაზი. როგორც ვაჟა სირაძემ გვითხრა, თუ იქნება საშუალება, რომ გზა გადაიკეტოს, ამის საშუალებას კანონი იძლევა", - აღნიშნა აქტივისტმა.

ამასთან, აქციის ორგანიზატორი, შოთა დიღმელაშვილი პარლამენტის შენობის პიკეტირებას აანონსებს.

"პიკეტიც იქნება", - აღნიშნა დიღმელაშვილმა სიტყვით გამოსვლისას.