არჩილ თალაკვაძემ გერმანიის ელჩთან შეხვედრაზე 2020 წლის არჩევნების შესახებ ისაუბრა
საქართველოს პარლამენტის თავმჯდომარე არჩილ თალაკვაძე გერმანიის ფედერაციული რესპუბლიკის საგანგებო და სრულუფლებიან ელჩს, ჰუბერტ ქნირშს შეხვდა.
როგორც „ინტერპრესნიუსს“ საქართველოს პარლამენტიდან აცნობეს, არჩილ თალაკვაძემ და გერმანიის ელჩმა პოლიტიკური პროცესის კონსტრუქციულად გაგრძელების საჭიროებასა და 2020 წლის არჩევნების შესახებ ისაუბრეს.
მათივე ინფორმაციით, არჩილ თალაკვაძემ ელჩს პარლამენტის საშემოდგომო სესიის ფარგლებში დარჩენილი მთავარი საკითხები გააცნო, რომელზეც პარლამენტი დეკემბრის ბოლომდე იმუშავებს.
ჰუბერტ ქნირშმა პარლამენტის თავმჯდომარეს გერმანიის მხრიდან საქართველოს მიმართ მხარდაჭერა კიდევ ერთხელ დაუდასტურა.
v-if="article.gallery" v-html="article.gallery"
21.07.2025 / 09:01
