აქციის მონაწილეებმა მთავრობის ადმინისტრაციის ღობეზე ბოქლომის დადების შემდეგ, ცენტრალურ შესასვლელთან ასფალტზე, სტიკერები დააკრეს, წარწერით „დალუქულია“ , ასევე სტიკერი ბიძინა ივანიშვილის გამოსახულებით, რომელსაც აწერია „გადამგდებია“.

როგორც „ევროპული საქართველოს“ ერთ-ერთი ლიდერი, გიგა უგულავა აცხადებს, დაწესდება „ხუთშაბათობა“ მთავრობისთვის.

„ასე ხუთშაბათობა მოვუწყოთ ხოლმე მთავრობას. ბოქლომის დღე მთავრობას, იქნება ხუთშაბათობა. 200 პოლიციელი სჭირდება დაახლოებით, იმისთვის, რომ უზრუნველყოფილი იყოს მთავრობის მშვიდობიანი გაქცევა აქედან. ვისი ნერვები უფრო მაგარი აღმოჩნდება, ჩვენი თუ ბიძინა ივანიშვილის, ვნახავთ“, -აღნიშნა უგულავამ.

ცნობისთვის, მთავრობის სხდომა დღეს აქციის ფონზე მიმდინარეობდა. ოპოზიციის წარმომადგენლები მთავრობის ადმინისტრაციის ჭიშკარზე დადებას ცდილობდნენ, რისი საშუალებაც პოლიციამ არ მისცა. საბოლოოდ, აქციის მონაწილეებმა ბოქლომი მთავრობის ადმინისტრაციის ჭიშკრის ნაცვლად, ღობეს დაადეს.