USAID-ის დირექტორის მოადგილე - საქართველოს პარლამენტის ხელმძღვანელები  მარწმუნებდნენ, რომ  საარჩევნო რეფორმა გავიდოდა - „ქართულმა ოცნებამ“ არ შეასრულა თავისი საჯაროდ აღიარებული ვალდებულება

USAID-ის დირექტორის მოადგილე, ევროპისა და ევრაზიის ბიუროს ხელმძღვანელი ბროკ ბირმანი პროპორციულ საარჩევნო სისტემაზე გადასვლის კანონპროექტის ჩავარდნას გამოეხმაურა. ამის შესახებ მან სოციალურ ქსელ twitter-ის საკუთარ გვერდზე დაწერა.

„სექტემბერში, თბილისში სტუმრობისას, საქართველოს პარლამენტის ხელმძღვანელები მარწმუნებდნენ, რომ საკონსტიტუციო და საარჩევნო რეფორმა გავიდოდა. „ქართულმა ოცნებამ“ არ შეასრულა თავისი საჯაროდ აღიარებული ვალდებულება 2020 წლის პროპორციულ არჩევნებთან დაკავშირებით. რეფორმა და პოლიტიკური პლურალიზმი ახლა კიდევ უფრო კრიტიკულად მნიშვნელოვანია“, - წერს ბროკ ბირმანი.

მან სოციალურ ქსელში სექტემბერში საქართველოში ვიზიტისას, პარლამენტის თავმჯდომარესთან არჩილ თალაკვაძესთან შეხვედრის ფოტოც განათავსა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს