დამოუკიდებელმა დეპუტატებმა პარლამენტის პლენარული სხდომა დატოვეს. ლევან გოგიჩაიშვილმა, ლევან კობერიძემ, ბექა ნაცვლიშვილმა, გედევან ფოფხაძემ და კობა მარჩემაშვილმა სესია მას შემდეგ დატოვეს, რაც მათ პოლიტიკური განცხადებები გააკეთეს.

როგორც ლევან გოგიჩაიშვილმა განაცხადა, ბოიკოტის რეჟიმში არ გადადის, თუმცა, აღარ აინტერესებს, როგორ აირჩევს საპარლამენტო უმრავლესობა ვიცე-სპიკერებს.

„ახლა გამოვედი, მაგრამ თუ დავინახე, რომ სპეციალურად აგდებენ ბიუჯეტს, რომ რიგგარეშე ჩატარდეს, შეიძლება შევიდე და მხარი დავუჭირო ბიუჯეტს, რომ არ ჩატარდეს რიგგარეშე არჩევნები“, - განაცხადა ლევან გოგიჩაიშვილმა.

ასეთივე განცხადება გააკეთა ლევან კობერიძემაც. მისი თქმით, ის რომ დღეს სესია დატოვა, არ ნიშნავს იმას, რომ ბოიკოტის რეჟიმზე გადადის.

„არანაირი სურვილი არ მაქვს, ჯილდოებად როგორ დაურიგებენ ახლა იმ თანამდებობებს, ვინც პარტიის თავმჯდომარის დავალება შეასრულა, ამას დავესწრო და ვუყურო“, - განაცხადა ლევან კობერიძემ.