საპატრულო პოლიციის უფროსის განცხადებით, პარლამენტის მიმდებარე ტერიტორიაზე რკინის კონსტრუქციები „უსაფრთხოების მიზნით დადგეს“

საპატრულო პოლიციის უფროსის ვაჟა სირაძის განცხადებით, პარლამენტის მიმდებარე ტერიტორიაზე რკინის ბარიკადები უსაფრთხოების მიზნით დადგეს, რათა აქცის მონაწილეების მხრიდან პოლიციის მიმართ ძალადობრივი ქმედებები არ მოხდეს.

სირაძის განცხადებით, რკინის კონსტრუქციებით გზის გადაკეტვა მანამდე გაგრძელდება, სანამ აქცია გაგრძელდება და პარლამენტის პიკეტირების საფრთხე იქნება.

როგორც ვაჟა სირაძემ განაცხადა, პარლამენტის მიმდებარე ტერიტორიაზე ადგილობრივ მცხოვრებლებს გადაადგილების საშუალება აქვთ.

„უსაფრთხოების მიზნით გადავწყვიტეთ, რომ დაგვედგა რკინის კონსტრუქციები, რომ არ ყოფილიყო აქცის მონაწილეების მხრიდან ძალადობრივი ქმედებები პოლიციის მიმართ. ჩვენ ვმოქმედებთ ადეკვატურად და შესაბამისად, რომ კარგად დავიცვათ საზოგადოების უსაფრთხოება. ეს იქნება მანამდე, სანამ გამართავენ აქციას და მოახდენენ პარლამენტის ბლოკირებას. ვინაიდან უკვე არაერთი ფაქტი იყო იმის, რომ ამ ადამიანებმა მოახდინეს პარლამენტის შესასვლელების ბლოკირება და განაცხადეს, რომ კვლავ აპირებდნენ ამას, პოლიციამ გაატარა შესაბამისი ზომები“,- განაცხადა სირაძემ.

ცნობისთვის, ინგოროყვას ქუჩაზე ამ წუთებში აქციის მონაწილეები იმყოფებიან და მათ პარლამენტის შენობასთან მისვლა სურთ, თუმცა სამართალდამცველებს საკანონმდებლო ორგანომდე მისასვლელი გზები რკინის კონსტრუქციებით აქვთ გადაკეტილი.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა