ვახტანგ გომელაური - აქციაზე გენერატორების შეტანის უფლება მივეცით და როცა ნახეს, რომ ეს არ დავუშალეთ, პირიქით, „ბოჩკები“ და შეშა უნდოდათ

უნდა მიხვდეს ოპოზიცია, რომ უნდა დაამთავროს თემა და შევიდნენ კაბინეტებში, მოხდეს შეთანხმება ამა თუ იმ კანონის, რა ჯდება კონსტიტუციაში, გერმანული მოდელი იქნება ეს, იაპონური თუ ფრანგული, კაბინეტში უნდა დასხდნენ და არა ქუჩაში“, - ამის შესახებ შინაგან საქმეთა მინისტრმა ვახტანგ გომელაურმა ჟურნალისტებთან საუბრისას განაცხადა.

მისივე თქმით, ოპოზიცია ქუჩაში დგომით შეთანხმებას ვერ მიაღწევს.

„მე ვფიქრობ, რომ ეს უნდა გადავიდეს კედელს მიღმა, კაბინეტებში, პარლამენტში და არა ქუჩაში ცეცხლის დანთებით და ხის ნაჭრების სროლით პოლიციელებისადმი. ეს თუ არ შეიცვლება და თუ იდგებიან გარეთ, ვერასდროს ვერ დაილაპარაკებენ. ყველასთვის უხერხულია ეს სიტუაცია. ვის უხარია აქ დგომა და მოქალაქეებისგან მიღებული ძალადობა?“,- განაცხადა გომელაურმა.

მან ასევე ისაუბრა სამართალდამცავების მობილიზების შესახებ პარლამენტთან და აღნიშნა, რომ პოლიციის მიერ გზა იმიტომ არის გადაკეტილი, რომ არ განმეორდეს პიკეტირება.

„გადაკეტილი იმიტომ არის, რომ არ მოხდეს ისევ ცეცხლის დანთება, პიკეტირებები. შეშას არ შემოვატანინებთ, არ არის ეს ნორმალური და 90-იან წლებში ნუ დაგვაბრუნებენ.

რაც შეეხება გენერატორებს, ვუთხარით, რომ შემოიტანონ. რომ იძახდნენ სპეციალურად გვყინავენო, ვუთხარით შემოიტანეთ და პირიქით, მოგეხმარებით-თქო, თუმცა, რომ ნახეს, ეს არ დავუშალეთ, პირიქით, „ბოჩკები“ და შეშა უნდოდათ იმიტომ, რომ ვუშლიდით“,- აღნიშნა გომელაურმა.

იხილეთ ვიდეო

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე