გია ვოლსკი - იმ ადამიანებთან დგომა, რომლებიც „კასრების ჩანაწერების“ ავტორები არიან, ძალიან უხერხულია, განსაკუთრებით ახალგაზრდებისთვის
იმ ადამიანებთან დგომა, რომლებიც „კასრების ჩანაწერების ავტორები არიან, ძალიან უხერხულია, განსაკუთრებით ახალგაზრდებისთვის, - ამის შესახებ ჟურნალისტებს პარლამენტის პირველმა ვიცე-სპიკერმა გია ვოლსკიმ განუცხადა.
მისივე თქმით, „ქართული ოცნება“ თავის დროზე უფრო მკაცრი უნდა ყოფილიყო ამ ადამიანების მისამართით.
„ის ადამიანები, ვისაც შეუძლიათ ადამიანებზე ზემოქმედების მოხდენა, დღესაც ამ ორგანიზატორებს შორის არიან.
ქვეყანა, სახელმწიფო უნდა იყოს ლოიალური თავისი მოქალაქეების მიმართ და არც საპროტესტო აქცია არ არის ახალი ევროპული დემოკრატიებისთვის. ფაქტია, რომ იმ ადამიანთან ერთად გვერდზე დგომა, რომლებიც არიან ავტორები იმ „კასრების ჩანაწერების“, რომლებიც აღმოვაჩინეთ ხელისუფლებაში მოსვლის დროს, არის ძალიან უხერხული, განსაკუთრებით ახალგაზრდებისგან,“ - განაცხადა ვოლსკიმ.
