ერაყში მიმდინარე საპროტესტო აქციების დროს, ორი დღის განმავლობაში 18 ადამიანი მოკლეს. „ალ ჯაზირას“ ინფორმაციით, სამთავრობო ძალებმა დემონსტრაციების დასაშლელად საბრძოლო იარაღი და ცრემლსადენი გაზი გამოიყენეს. დაჭრილია ასობით ადამიანი.

გამოცემის ინფორმაციით, არმიის ნაწილი ქვეყნის სამხრეთ ნაწილშია გადასროლილი „წესრიგის აღსადგენად“.

შეგახსენებთ, რომ გუშინ, ერაყის სამხრეთ პროვინციაში აქციის მონაწილეებმა ირანის საკონსულოს ცეცხლი წაუკიდეს. ისინი ირანს ერაყის მთავრობის მხარდაჭერაში ადანაშაულებენ.