თურქეთის პრეზიდენტმა რეჯეფ თაიფ ერდოღანმა საფრანგეთის პრეზიდენტი ემანუელ მაკრონი გააკრიტიკა, მათ შორის, იმ განცხადების გამო, რომლის მიხედვითაც, „ნატოს ტვინი მოკვდა“
„მივმართავ საფრანგეთის პრეზიდენტს და იმავეს ვეტყვი ნატოს სამიტზეც. მაკრონმა თავად უნდა მიმართოს ექიმს ტვინის სიკვდილთან დაკავშირებით“, - განაცხადა ერდოღანმა.
ცნობილი გახდა, რომ თურქეთის ლიდერის ამ გამონათქვამების გამო საფრანგეთში თურქეთის ელჩი ქვეყნის საგარეო საქმეთა სამინისტროში დაიბარეს. ელისეის სასახლეში კი ერდოღანის აღნიშნულ განცხადებას შეურაცხყოფა უწოდეს.
ცნობისთვის, ნოემბრის დასაწყისში საფრანგეთის პრეზიდენტმა ემანუელ მაკრონმა განაცხადა, რომ ევროპა ვეღარ დაეყრდნობა აშშ-ს, როგორც ნატოში მოკავშირეს. მისივე თქმით, ჩრდილოატლანტიკური ალიანსი ტვინის სიკვდილს განიცდის.