დავით ჭიჭინაძე - როგორც ჩანს, ოპოზიციას უფრო კარგი წარმოდგენა აქვს „ქართულ ოცნებაზე“, ვიდრე „ოცნებას“ საკუთარ თავზე, რადგანაც ფიქრობდნენ, რომ „ოცნება“ არ დაარღვევდა დანაპირებს

როგორც ჩანს, ოპოზიციას უფრო კარგი წარმოდგენა აქვს „ქართულ ოცნებაზე“, ვიდრე „ოცნებას“ საკუთარ თავზე, რადგანაც ფიქრობდნენ, რომ „ოცნება“ არ დაარღვევდა დანაპირებს, - ამის შესახებ პარლამენტის დამოუკიდებელმა დეპუტატმა, დავით ჭიჭინაძემ განაცხადა.

დავით ჭიჭინაძის თქმით, „ქართული ოცნებაც“ და „ნაციონალური მოძრაობაც“ თავისი განაყოფებით, „აბსოლუტურად ერთნი არიან“.

„ერთნაირი მონდომებით იბრძვიან ამ ქვეყანაში ისეთი საარჩევნო მოდელის მიღებაზე, რომლის მეშვეობითაც გამარჯვება უნდათ. მაგრამ შემიძლია დავაწყნარო, ბუნებაში არ არსებობს ისეთი მოდელი, რომ ამ ქვეყანაში „ნაცებმა“ გაიმარჯვონ.

ამასთან, მათ იმდენად არადეკვატური შეხედულება აქვთ დღევანდელ რეალობაზე, რომ ვერ აფასებენ იმ მხარდაჭერას, რომელიც საზოგადოებაში გაგაჩნიათ და მაინც ძალაუფლების ხელში ჩაგდება სურთ. ამას კი, სხვა არაფერი ჰქვია, თუ არა ძალადობა საზოგადოებაზე. ეს მემკვიდრეობით სწორედ „ქართულმა ოცნებამ“ დაუტოვა, იმიტომ რომ, მხოლოდ ასეთი კონკურენტი აწყობდათ.

რადგან ვერც „ოცნებაში“ უშვებენ ხელისუფლებიდან წასვლის ალბათობას და ჰგონიათ, რომ მხოლოდ „ნაცებთან“ დაპირისპირება შეუზღუდავს მოსხლეობას არჩევანის საშუალებას.

მაგრამ, როდესაც არც ერთ პოლიტიკურ ძალას არ აქვს ხალხის მხარდაჭერა, ისინი მიდიან სხვადასხვა პროვოკაციებზე, რომელიც სამოქალაქო დაპირისპირებას იწვევს და ჩვენ ეს ერთხელ ნანახი გვაქვს“, - განაცხადა ჭიჭინაძემ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება