„თბილისის მიკროავტობუსის“ დირექტორის განცხადებით, ტარიფის გაზრდის შემთხვევაში, ვეტერანებს და სოციალურად დაუცველებს შეღავათები შეუნარჩუნდებათ

კომპანია „თბილისის მიკროავტობუსის“ გენერალური დირექტორი დავით ასანიძე არ გამორიცხავს, რომ ფრანგული კომპანია „სისტრას" მიერ დადებული სქემის ამოქმედების შემდეგ, შესაძლოა, მიკროავტობუსების ტარიფი ისევ შეიცვალოს. თუმცა, ასანიძე ვერ აკონკრეტებს, რამდენით შეიძლება შეიცვალოს არსებული ტარიფი.

ამასთან, ასანიძე აცხადებს, რომ მხოლოდ მოკლე ხაზებზე მიკროავტობუსების გადაადგილება კომპანიისთვის პრობლემას არ შექმნის.

„მოკლე ხაზებში ცუდი არაფერია. ეს ნიშნავს იმას, რომ მიკროავტობუსი ბევრი ბრუნის გაკეთებას შეძლებს. რაც შეეხება მიკროავტობუსების რაოდენობის შემცირებას, „სისტრას" კვლევაში საუბარია 1200-დან 1500 ავტობუსამდე და მზად ვართ ამ რაოდენობის მიკროავტობუსით მოვემსახუროთ. თუმცა, ამ ტარიფით არსებობის საშუალება გამორიცხულია. ამას ვსაუბრობ არსებული სისტემის დარჩენის შემთხვევაში. თუ მანძილი მოკლე იქნება, ტარიფიც მიზანშეწონილი იქნება. როდესაც ვსაუბრობ, რომ ტარიფი უნდა გაიზარდოს, ეს არის მთლიან ქალაქზე არსებული ტარიფი.

როდესაც გადავალთ „სისტრას" სქემაზე, მერე რა თქმა უნდა, ტარიფი თავიდან გადასათვლელი იქნება. თუმცა, ამ წუთში პასუხს ვერ გაგცემთ რამდენი უნდა იყოს ტარიფი,"- განაცხადა ასანიძემ.

რაც შეეხება მიკროავტობუსების პარკის შეცვლას, მისივე თქმით, ამას დაახლოებით, 2 წელი დასჭირდება.

ამასთან, ასანიძე აღნიშნავს, რომ ვეტერანებს და სოციალურად დაუცველებს ტარიფის გაზრდის შემთხვევაშიც კი არსებული შეღავათები შეუნარჩუნდებათ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან