გრიგოლ ვაშაძე - ჩემი თხოვნა იყო, რომ ჩვენმა სტრატეგიულმა მოკავშირეებმა "ქართული ოცნება" აიძულონ წავიდეს დათმობაზე

ჩემი თხოვნა იყო, რომ "ქართული ოცნება" აიძულონ ჩვენმა სტრატეგიულმა მოკავშირეებმა წავიდეს დათმობაზე, იმიტომ რომ ისინი დაპირისპირებულები არიან არა ოპოზიციურ პარტიებთან, არამედ საქართველოს მოქალაქეებთან, - ამის შესახებ პარტია „ნაციონალური მოძრაობის“ თამვჯდომარემ გრიგოლ ვაშაძემ ოპოზიციისა და ევროპარლამენტარების შეხვედრის შემდეგ განაცხადა.

ვაშაძის თქმით, ევროპარლამენტარებისთვის კატეგორიულად მიუღებელია ძალადობა, რომელიც თბილისის და სხვა ქალაქების ქუჩებში ხორციელდება.

"უკიდურესად სასარგებლო შეხვედრა იყო და მნიშვნელოვანი, რადგან ჩვენს სტრატეგიულ მოკავშირეებს შესანიშნავად აქვთ გათავისებული რა ხდება საქართველოში და სრულად აქვთ ინფორმაცია. მესამე ის, რომ ხაზი ჰქონდა გასმული - თუ სიტუაცია ასე გაგრძელდა, საქართველოს საგარეო პოლიტიკური მიღწევა იქნება სრულიად შეუძლებელი და მეოთხე - კატეგორიულად მიუღებელია ძალადობა, რომელიც ხორციელდება თბილისის და სხვა ქალაქების ქუჩებში და ძალიან დიპლომატიური ენით იყო ნათქვამი, რომ გასაგებია, რომ პასუხისმგებლობის უდიდესი ნაწილი ხელისუფლებას ეკისრება. რეკომენდაციები, რომლებიც გავცვალეთ, ჩემი თხოვნა იყო, რომ "ქართული ოცნება" აიძულონ ჩვენმა სტრატეგიულმა მოკავშირეებმა წავიდეს დათმობაზე, იმიტომ რომ ისინი დაპირისპირებულები არიან არა ოპოზიციურ პარტიებთან, არამედ საქართველოს მოქალაქეებთან და ბოლოს, ჩვენ ვუთხარით, აღარ ვიცით, რა კომპრომისზე წავიდეთ, როდესაც პროპორციულზე უარი თქვეს, მიაფურთხეს თავის პოლიტიკურ და მორალურ ვალდებულებებს და არ თანხმდებიან ოპოზიციის კომპრომისულ წინადადებაზე", - განაცხადა ვაშაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს