გრიგოლ ვაშაძე კალაძის განცხადებაზე - დარწმუნებული ვარ, თვითონ ეცინება ამ სიტყვებზე

დარწმუნებული ვარ, კახა კალაძეს თვითონ ეცინება ამ სიტყვებზე, - ასე გამოეხმაურა „ნაციონალური მოძრაობის“ თავმჯდომარე გრიგოლ ვაშაძე დედაქალაქის მერის კახა კალაძის განცხადებას, რომლის თანახმადაც,ზოგიერთი მაჟორიტარის მხრიდან არსებობს მუქარა, თუ უმრავლესობა სრულად მაჟორიტარულ საარჩევნო სისტემაზე გადასვლას მხარს არ დაუჭერს, ისინი პარტიას დატოვებენ.

გრიგოლ ვაშაძე პარტიის შიგნით დაპირისპირებულ ადამიანებს მიმართავს, გაემიჯნონ მათ, ვისაც საქართველოს მოქალაქის კონსტიტუციური უფლებები და აზრი არაფრად უღირთ.

"არ ვიცი, პატივცემულ თბილისის მერს თუ თვითონ სჯერა თავისი სიტყვების და იმ უნიჭო სპექტაკლების, რომელსაც უნიჭო რეჟისორი დგამს საქართველოს პარლამენტში. დარწმუნებული ვარ, რომ თვითონ ეცინება ამ სიტყვებზე.

რაც შეეხება იმას, რომ ვიღაცა დატოვებს "ქართული ოცნების" რიგებს, თუ პროგრესულად და ნორმალურად მოაზროვნე ადამიანები პარტიის შიგნით დაპირისპირებული ხართ იმ ადამიანებთან, ვისაც საქართველოს მოქალაქის კონსტიტუციური უფლებები და აზრი არაფრად უღირს, გაემიჯნეთ. შევქმნათ ისეთი უმრავლესობა, რომელიც ნორმალურად ჩაატარებს ამ ქვეყანაში პროპორციულ არჩევნებს", - განაცხადა ვაშაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა