„თეთრ კუნძულზე“, ახალ ზელანდიაში, ვულკანმა ამოფრქვევა დაიწყო, დაშავებულია რამდენიმე ადამიანი, - ამის შესახებ ინფორმაციას „როიტერსი“ რეგიონის მერზე დაყრდნობით ავრცელებს.

სააგენტოს ცნობით, ვულკანის ამოფრქვევა ადგილობრივი დროით 2:30 საათზე დაიწყო.

„რამდენიმე ადამიანი დაშავებულია და ახლა აქცენტი მათ უკან დაბრუნებასა და ჰოსპიტალიზაციაზე კეთდება,“- განაცხადა რეგიონის მერმა ჯუდი თერნერმა.

საგანგებო სიტუაციების სამსახურის ინფორმაციით, ვულკანის შედეგად ძლიერი კვამლი წარმოიქმნა და ახლომდებარე ტერიტორია, სავარაუდოდ, ვულკანურმა ფერფლმა დააზიანა.

დაშავებულთა ზუსტი რაოდენობა ჯერჯერობით უცნობია. ონლაინ საინფორმაციო ჯგუფის, Stuff-ის ინფორმაციით, „თეთრ კუნძულზე“ 20-მდე ადამიანი იმყოფება.