რომან კაკულია საარჩევნო სისტემასთან დაკავშირებით მმართველ გუნდში გარკვეული დათმობის შესაძლებლობას არ გამორიცხავს

დარგობრივი ეკონომიკისა და ეკონომიკური პოლიტიკის კომიტეტის თავმჯდომარის, რომან კაკულიას განცხადებით, საარჩევნო სისტემასთან დაკავშირებით მმართველ გუნდში გარკვეული დათმობის შესაძლებლობას არ გამორიცხავს, თუმცა, დეტალების დაკონკრეტებისგან ის თავს იკავებს. როგორც კაკულიამ ჟურნალისტებს განუცხადა, როდესაც მომავალი შეხვედრა იგეგმება და მხარეები ამაზე თანხმდებიან, ალბათ, მოლაპარაკების რესურსს ხედავენ.

„ამ შემთხვევაში, ხელისუფლების მხარეს პასუხისმგებლობა მეტია. გარკვეულ შემთხვევაში თუ მოლაპარაკება უნდა შედგეს, ორივე მხარე უნდა იყოს მზად ცვლილებები განიცადოს პოზიციებმა. სხვაგვარად რა აზრი აქვს მოლაპარაკებას? მზაობას მე ვხედავ მმართველ გუნდში და მოვუწოდებ ოპოზიციას, ასეთი სულისკვეთებით მოვიდნენ შემდეგ მოლაპარაკებებზე.

არსებობს პრინციპული საკითხები, თუმცა არ გამოვრიცხავ დათმობის შესაძლებლობა განიხილებოდეს, მაგრამ დეტალებში ამ წუთას ვერ შევალ, რადგან აქ ლაპარაკია რა ტიპის დათმობაზეა საუბარი, რომ არ უნდა დაირღვეს მმართველი გუნდის ძირითადი პრინციპები და მოტივაცია. ამიტომ, დაველოდოთ მოლაპარაკებებს“, - განაცხადა კაკულიამ.

ამასთან, კაკულიამ აღნიშნა, რომ მმართველი გუნდი მრავალმანდატიან ოლქებსაც განიხილავს.

„ეს ერთ-ერთი სისტემა განიხილება. როგორც იცით, უმრავლესობაში არ არის ერთიანი პოზიცია. მე პირადად პროპორციული სისტემის მომხრე ვიყავი და დღესაც ამ აზრზე ვრჩები, მაგრამ აქ საჭიროა, უმრავლესობის ერთიანი პოზიცია, რომელიც ძნელად მისაღწევი აღმოჩნდა. რა სიტუაციაც არის ქვეყანაში შექმნილი, მისი ადეკვატური გადაწყვეტილება უნდა იყოს მიღებული",- განაცხადა კაკულიამ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ