გია ვოლსკი მრავალმანდატიან საარჩევნო ოლქებზე - ამ საკითხის განხილვას მწვანე შუქი აენთო, თუმცა არავინ იფიქროს, რომ  ბოქლომების გამო შეიძლება რამე დათმობაზე წავიდეთ

მწვანე შუქიც აენთო ამ საკითხის განხილვას, თუმცა, არავინ იფიქროს, რომ ბოქლომების, დესტრუქციის გამო, ჩვენ შეიძლება რამე დათმობაზე წავიდეთ,- ამის შესახებ პარლამენტის პირველმა ვიცე-სპიკერმა გია ვოლსკიმ ჟურნალისტებთან განაცხადა.

მისივე თქმით, მრავალმანდატიან საარჩევნო ოლქებთან დაკავშირებით, ოპოზიციის წინადადება იყო ერთ-ერთ საკითხი, რომელიც დღეს უმრავლესობის სხდომაზე განიხილეს. თუმცა, მისი თქმით, როცა კომპრომისზეა საუბარი, აქ არც საერთაშორისო და არც შიდა ზეწოლა არავითარ როლს არ თამაშობს.

„განწყობილი ვართ კონსტრუქციულად, მწვანე შუქიც აენთო ამ საკითხის განხილვას და თუ ერთ დღეში ვერ მოვახერხეთ შეთანხმება, როგორც გვიკიჟინებენ, დიდი ბოდიში, ძალიან ცუდი გამოცდილება გვაქვს ოპოზიციასთან ურთიერთობის და არავინ იფიქროს, რომ ამ ბოქლომების, დესტრუქციის გამო ჩვენ შეიძლება რამე დათმობაზე წავიდეთ. ჩვენ თუ ვიხილავთ ამას და პოზიტიურად ვართ განწყობილნი, ეს იმიტომ რომ პრობლემა არ შევუქმნათ ქვეყანას. 10 კაცია, 100 თუ 70 , პრობლემას უქმნის ქვეყანას, მის ავტორიტეტს, თუნდაც საერთაშორისო დონეზე, თუნდაც, ეკონომიკურ საკითხებში გვაქვს გარკვეული შეკითხვები, მაგრამ იმის ძახილი, რომ ხელების ამოტრიალებით ან პიკეტირებით ამ საკითხს გადაწყვეტს, იგივე სახის დესტრუქციაა, როგორც მათ მოაწყვეს 24 ივნისის შემდეგ თვეების განმავლობაში. ჩვენ თუ რაიმე კომპრომისზე წავალთ, არავითარი ზეწოლა, გინდა საერთაშორისო, გინდა საშინაო - კმარას ჯგუფები არ არის აბსოლუტურად ადეკვატური იმ სიტუაციისა, რასაც ჩვენ ვუყურებთ. ქვეყნის სტაბილურობა და განვითარებაა მთავარი, რაც ჩვენ გვაღელვებს. ვერ ვიტყოდი, რომ დათმობაა ეს, საკმაოდ ნორმალური გადაწყვეტილებაა მიღებული, რომ გაგრძელდეს დიალოგი და მწვანე შუქი აენთოს იმ გადაწყვეტილებას, რასაც ჰქვია კომიტეტზე ამ საკითხის განხილვა, ჩაკეტვა არ მომხდარა, არ მოხდება და განწყობილნი ვართ, რომ მივიდეთ საერთო პოზიციამდე,“- განაცხადა გია ვოლსკიმ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას