ქეთევან ციხელაშვილი - ვაჟა გაფრინდაშვილის საკითხი ჩვენი პარტნიორი სახელმწიფოების ყველა პოლიტიკური დედაქალაქის დღის წესრიგშია

ყველა შესაძლო არხი ჩართულია ოსურ და რუსულ მხარეებთან კერძო პირებით დაწყებული, რუსეთის ფედერაციასთან ყველა ოფიციალურ დონეზე კომუნიკაციით დასრულებული, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა ვაჟა გაფრინდაშვილის პატიმრობასთან დაკავშირებით განაცხადა.

„ვაჟა გაფრინდაშვილი, საოკუპაციო რჟიმის მხრიდან, უკანონო პატიმრობაში რჩება და რა თქმა უნდა, ოჯახი რთულ მდგომარეობაშია. თითოეული ჩვენგანისათვის ეს ძალიან მძიმე და მტკივნეული საკითხია. ოჯახის დაძაბულობა გასაგებია. არა მარტო გვესმის, არამედ მათთან ვართ ამ განსაცდელში, მათ შორის რეგულარული კომუნიკაციით ჩემი აპარატისა და სხვა სახელმწიფო უწყებების მხრიდან.

რა თქმა უნდა, იმ ინფორმაციას, რასაც იღებდა და იღებს ქართული მხარე და ასევე ჩვენი პარტნიორები სხვადასხვა არხებით, ვუზიარებთ ოჯახს და გარკვეულწილად, საზოგადოებას, მაღალი ინტერესიდან გამომდინარე. აქ ორი რამ არის გასათვალისწინებელი: პირველი - ინფორმაციის გაზიარებას ვერ დავარქმევთ პირობას და მით უფრო გარანტიას საქართველოს ხელისუფლების მხრიდან, იმიტომ, რომ საქმე გვაქვს საოკუპაციო რეჟიმთან, მის მოქმედებებთან და საუბედუროდ მის გადაწყვეტილებებთან.

მეორე - ამ პერიოდში, დიახ, იყო მკაფიო მინიშნებები და ინფორმაცია სწორედ საოკუპაციო რეჟიმის მხრიდან ვაჟა ექიმის მალე გათავისუფლების თაობაზე, რასაც ასევე საუბედუროდ, საოკუპაციო რეჟიმი დღემდე არ ასრულებს. ეს არის მათი სახე და მათი პასუხისმგებლობა, რაც ამ მოქმედების მიზანმიმართულებაზე მიანიშნებს”, - განაცხადა ქეთევან ციხელაშვილმა.

მისივე თქმით, საქართველოს მთავრობის პასუხისმგებლობა ის არის, რომ არსებულ ვითარებაში ყველა შესაძლო ნაბიჯი გადადგას, რათა ფაქტობრივად მძევლის მდგომარეობაში მყოფი ადამიანის გათავისუფლება მოხერხდეს. სახელმწიფო მინისტრის განცხადებით, ყველა შესაძლო არხი ჩართულია ოსურ და რუსულ მხარეებთან კერძო პირებით დაწყებული, რუსეთის ფედერაციასთან ყველა ოფიციალურ დონეზე კომუნიკაციით დასრულებული. მათ შორის, მრავალმხრივ ფორმატებში.

„ვაჟა გაფრინდაშვილის საკითხი ჩვენი პარტნიორი სახელმწიფოების ყველა პოლიტიკური დედაქალაქის დღის წესრიგშია და ამოცანა მისი გათავისუფლებაა. ამასთან, ჩვენი თითოეული მოქმედება, პირველ რიგში, მოტივირებულია ვაჟა გაფრინდაშვილის ინტერესებიდან და მისი გათავისუფლების ამოცანიდან გამომდინარე და არა პიარის, ჩვენი მოქმედებების ტირაჟირების, ან თუნდაც ყველა ნაბიჯის წარმოჩენიდან. ასეთია მოცემულობა.

ამ საკითხით პოლიტიკური სპეკულაციები და ქულების დაწერის მცდელობა ნებისმიერი პოლიტიკური ძალის მხრიდან, მიუღებელია. უბრალოდ აბსურდულია საოკუპაციო რეჟიმის მოქმედებაზე პასუხისმგებლობის საქართველოს ხელისუფლებაზე გადმოტანის მცდელობა. მით უფრო, ყოფილი ხელისუფლების წარმომადგენლების მხრიდან. სხვა რომ არაფერი ვთქვათ, სოხუმის და ცხინვალის ციხეებში არაერთი გრძელვადიანი ქართველი იყო უკანონო პატიმრობაში. ჰუმანიტარული პროცესის შედეგად, პროცესი 2017 წელს დასრულდა იმავე ცხინვალის იზოლატორიდან ბოლო გრძელვადიანი პატიმრის გათავისუფლებით.

გავაგრძელებთ ძალისხმევას, ჩვენს პარტნიორებთან ერთად, მათ შორის ჟენევის ფორმატში მიმდინარე კვირას, რათა ვაჟა გაფრინდაშვილის გათავისუფლება იქნას მიღწეული და ის ოჯახს დაუბრუნდეს”, - აღნიშნა ქეთევან ციხელაშვილმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა