გიგანტურ ხეებს ეყოლება ისეთი მომვლელი, როგორიც სჭირდება ამ სპეციფიურ მცენარეს, - ასე პასუხობს პირველი ვიცე- სპიკერი გია ვოლსკი ჟურნალისტების შეკითხვას, რომელიც ბუნების შესახებ ბიძინა ივანიშვილის ინტერვიუს შეეხებოდა.

ამასთან, დეპუტატი ამბობს, რომ ბუნებასთან დაკავშირებით ბიძინა ივანიშვილს ბევრი დამსახურება აქვს.

„მთავარია გიგანტური ხეები შენარჩუნებული იქნება მომავალი თაობისთვის და დენდრო-პარკი, რომელიც აშენდება, იქნება ყველასთვის. გიგანტურ ხეებს ეყოლება ისეთი მომვლელი, როგორიც სჭირდება ამ სპეციფიურ მცენარეს. პროფესიონალური მოვლის პირობები ამ უნიკალურ ჯიშებს მეტი ექნებათ, რასაკვირველია, დენდროპარკში.

ამ მიმართულებით ბიძინა ივანიშვილს ბევრი კარგი დამსახურება აქვს ქვეყნის წინაშე, ისე რომ არავისთვის დაუყვედრებია“, - განაცხადა გია ვოლსკიმ.