ავღანეთში ბაგრამის ამერიკულ სამხედრო ბაზასთან თვითმკვლელმა ტერორისტმა ასაფეთქებელი მოწყობილობა გააქტიურა. შედეგად დაშავდა ხუთი ადამიანი. ისინი სამხედრო ბაზის შესასვლელთან იმყოფებოდნენ, როდესაც აფეთქება მოხდა. ამის შესახებ ავღანეთისა და ნატოს წარმომადგენლები იტყობინებიან. მომხდარზე პასუხისმგებლობა ჯერჯერობით არავის აუღია.
„თავდამსხმელებსა და სამხედრო ძალებს შორის 30-წუთიანი შეტაკებებიც იყო, თავდასმხმელები ბაზაზე შესვლას ცდილობდნენ“, - განაცხადა ფარვანის პროვინციის გუბერნატორის პრესსპიკერმა.