როდესაც კვლევა ტარდება, მისი შედეგების ცდომილება მაქსიმუმ 2-3% შეიძლება იყოს, როდესაც ცდომილება 20-35%-ია ეს უკვე სხვა რაღაცაა და სხვა სახელი ჰქვია მაგას,- ამის შესახებ "ქართული ოცნების" გენერალურმა მდივანმა, კახა კალაძემ ჟურნალისტებს NDI-ისა და IRI-ის კვლევებზე საუბრისას განუცხადა.
„ევროპული თუ ამერიკული საერთაშორისო ორგანიზაციების მიერ სხვადასხვა პროექტების განხორციელება ჩვენი ქვეყნისთვის მნიშვნელოვანია, რომ დემოკრატიული ინსტიტუტები გაძლიერდეს ქვეყანაში, თუმცა თუნდაც NDI ავიღოთ ან IRI, მათ მიერ ჩატარებული კვლევები ცხადყოფს, რომ არსებობს სერიოზული პრობლემები და დამახინჯებულია კვლევების შედეგები. ეს მხოლოდ 2012 წლის შემდეგ არაა, მანამდეც ასე იყო“,-აღნიშნა კალაძემ.