ლევან ღირსიაშვილი - ხანძრებთან დაკავშირებით ვითარება სრულად ექვემდებარება კონტროლს და რაიმე გართულებას არ ველოდებით

აღმოჩენილია ხანძრის ყველა აქტიური კერა და ჩვენი მეხანძრეების მიერ ხდება თითოეული მათგანის დამუშავება, - ამის შესახებ „ინტერპრესნიუსთან” საგანგებო სიტუაციების მართვის სამსახურის უფროსის მოადგილემ ლევან ღირსიაშვილმა განაცხადა.

მისივე თქმით, კასპის მუნიციპალიტეტში არსებული ცეცხლის კერები იმ ხანძრის გაგრძელებაა, რომელიც ატენის ხეობაშია.

„ამ დროისთვის აღმოჩენილია ხანძრის ყველა აქტიური კერა და ჩვენი მეხანძრეების მიერ ხდება თითოეული მათგანის დამუშავება. ხანძრის სალიკვიდაციო სამუშაოებში 200 მეხანძრეა ჩართული. გარდა ამისა, სალიკვიდაციო სამუშაოებში მონაწილეობს თავდაცვის სამინისტროს მუხლუხოიანი სპეცტექნიკა და შინაგან საქმეთა სამინისტროს სასაზღვრო პოლიციის ორი ვერტმფრენი. ერთი ატენის ხეობის მიმართულებით, მეორე კი კასპის მუნიციპალიტეტში, რკონის ხეობისკენ. რაც შეეხება რკონის ხეობის მიმდებარედ არსებულ ხანძარს, აღნიშნული იმ კერის გაგრძელებაა, რომელიც ატენის ხეობაშია. აქვე გეტყვით იმასაც, რომ ვითარება სრულად ექვემდებარება კონტროლს და რაიმე გართულებას არ ველოდებით”, - განაცხადა ლევან ღირსიაშვილმა.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში