იუსტიციის საბჭო უზენაეს სასამართლოში დარჩენილ 6 ვაკანტურ ადგილზე პარლამენტისათვის წარსადგენი მოსამართლეების საკითხზე მსჯელობს

იუსტიციის უმაღლესი საბჭო უზენაეს სასამართლოში დარჩენილ ექვს ვაკანტურ ადგილზე პარლამენტისათვის წარსადგენი მოსამართლეების საკითხზე მსჯელობს.

როგორც ცნობილია, პარლამენტმა უზენაესი სასამართლოს მოსამართლეების შერჩევის საკითხზე უკვე იმსჯელა და საბჭოს მიერ წარდგენილი 20 კანდიდატიდან 14 მოსამართლე გაამწესა. შესაბამისად, სასამართლოში 6 ადგილი ვაკანტური დარჩა.

როგორც იუსტიციის უმაღლესი საბჭოს მდივანმა, უზენაესი სასამართლოს მოსამართლე გიორგი მიქაუტაძემ ჟურნალისტებს განუცხადა, საერთო სასამართლოების შესახებ ორგანული კანონი ითვალისწინებს ერთჯერად პროცედურას, რომელიც გულისხმობს იმ 50-კაციანი სიიდან, საიდანაც დღევანდელი მდგომარეობით, 33 კანდიდატია დარჩენილი, იუსტიციის უმაღლესმა საბჭომ კენჭისყრის შედეგად უნდა შეარჩიოს ექვსი კანდიდატი, რომელსაც კვლავ წარუდგენს პარლამენტს.

„ამასთან დაკავშირებით კენჭისყრა დღეს გაიმართება იუსტიციის საბჭოში. რაც შეეხება პარლამენტში გადაწყვეტილების გადაგზავნას, ეს ტექნიკური მხარეა და ვფიქრობ, რომ შესაძლოა, ეს დღეს ვერ მოესწროს და ეს იყოს ხვალ ან უახლოეს დღეებში“, - განაცხადა გიორგი მიქაუტაძემ.

აღსანიშნავია, რომ კონკურსში მონაწილეობაზე უარი განაცხადა ზურაბ აზნაურაშვილმა, შესაბამისად, დარჩა 32 კანდიდატი.

სხდომას გიორგი მიქაუტაძე ხელმძღვანელობს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან