თინა ბოკუჩავა - „პანდას" ბიჭები იყვნენ ინსტრუმენტები - ივანიშვილი ხვალ ეცდება გამოიყენოს ზებრა, პინგვინი, ზვიგენი ან სხვა ცხოველების დასახელების მქონე კომპანიები

„პანდას“ ბიჭები იყვნენ ინსტრუმენტები, რომელსაც ბიძინა ივანიშვილი იყენებდა, ხვალ ეცდება გამოიყენოს ზებრა, პინგვინი და ზვიგენი ან სხვა ცხოველების დასახელების მქონე კომპანიები და კვლავაც მოახდინოს თავისი სიბინძურის რეკლამირება, - ასე ეხმიანება „ნაციონალური მოძრაობის" წევრი თინა ბოკუჩავა „პანდას" განცხადებას.

მისი თქმით, „ფეისბუქმა" დაადგინა, რომ პანდა „ქართულ ოცნებასთან" არის დაკავშირებული.

„უკაცრავად გამოთქმაზე, ბერას საძმაკაცოს წარმომადგენლები, რომლებიც მანამდე „ჯიდიესში“ მუშაობდნენ, ახლა გვიმტკიცებენ, რომ საკუთარი სახსრებით მილიონი ლარი დახარჯეს „ქართული ოცნების“ რეკლამირებისთვის? სრული სისულელეა, ძალიან დიდი ბოდიში, „ფეისბუქმა“ ძალიან კარგად დაადგინა, რომ კომპანია „პანდა" იყო და არის დაკავშირებული „ქართულ ოცნებასთან". „პანდას“ ბიჭები იყვნენ ინსტრუმენტები, რომელსაც ბიძინა ივანიშვილი იყენებდა, ხვალ ეცდება გამოიყენოს ზებრა, პინგვინი და ზვიგენი ან სხვა ცხოველების დასახლების მქონე კომპანიები და კვლავაც მოახდინოს თავისი სიბინძურის რეკლამირება, რომ თავგზა აურიოს ხალხს და შექმნას ალტერნატიული რეალობა,"- განაცხადა თინა ბოკუჩავამ.

ცნობისთვის, სარეკლამო კომპანია „პანდა“ ვიდეომიმართვას ავრცელებს, რითაც „ფეისბუქის“ მიერ რამდენიმე ასეული გვერდის გაუქმებას და სოციალური ქსელის ბრალდებებს ეხმაურება.

როგორც „პანდა“ განმარტავს, 5 ბრალდებიდან ადასტურებენ მხოლოდ 2-ს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს