სირიის სამთავრობო არმიის მიერ ოპერაციის დაწყების შემდეგ, მხოლოდ ბოლო 2 კვირის განმავლობაში იდლიბის პროვინცია 235 000-ზე მეტმა ადამიანმა დატოვა.
მედიის ინფორმაციით, იდლიბის რეგიონის სამხრეთ ნაწილი თითქმის მთლიანად დაცარიელდა. აღსანიშნავია, რომ სირიის სამთავრობო არმია ჯიჰადისტების წინააღმდეგ სპეცოპერაციას რუსეთის მხარდაჭერით ახორციელებს, რა დროსაც დასახლებული პუნქტების დაბომბვა ხშირია.
შეგახსენებთ, რომ იდლიბის პროვინციაში, რომელიც სირიის ჩრდილო-დასავლეთ ნაწილში მდებარეობს, საომარი მოქმედებების დაწყებამდე დაახლოებით 2.4 მილიონი ადამიანი ცხოვრობდა. ამჟამად, მათი უმეტესობა ლტოლვილია.