ვაჟა გაფრინდაშვილი მისი გათავისუფლების შესახებ გავრცელებულ ინფორმაციებზე - ჩემ გათავისუფლებაში მთელი საქართველოს წვლილია

საოკუპაციო რეჟიმის უკანონო პატიმრობიდან გათავისუფლებული ექიმი ვაჟა გაფრინდაშვილი მის გათავისუფლების შესახებ სოციალურ ქსელში გავრცელებულ ინფორმაციას გამოეხმაურა. მან უპასუხა ჟურნალისტების შეკითხვას, რომლის თანახმად, მისი გათავისუფლების შესახებ „ფეისბუქზე“ ორი ვერსია გავრცელდა: ერთი ვერსიით, მისი გათავისუფლების საკითხში მომღერალი პაატა ბურჭულაძე ჩაერთო, ხოლო მეორე ვერსიით, მოჭიდავეები. ვაჟა გაფრინდაშვილმა აღნიშნა, რომ პატიმრობიდან მის გათავისუფლების საკითხში მთელი საქართველო იყო ჩართული და ვერავის გამოყოფს.

„ჩემი აზრით, ჩემ გათავისუფლებაში ყველა, მთელი საქართველოს წვლილია, ვერავის გამოვყოფ. მაინცდამაინც ამა და ამ ადამიანის ყველაზე დიდი წვლილია - ვერ ვიტყვი. არ ვარ ჩახედული, მაგრამ ერთადერთი რაც ვიცი, უდიდესი წვლილი ჩემი მეუღლის, ჩემი შვილების, ჩემი მეგობრების და ყველასია. ყველა თქვენგანს დიდი მადლობა", - განაცხადა ვაჟა გაფრინდაშვილმა.

ამასთან, როგორც გაფრინდაშვილმა აღნიშნა, მისი გათავისუფლების საკითხი 12 საათის განმავლობაში გადაწყდა.

ასევე ექიმის თქმით, პატიმრობისას მის მობილურში არსებული საკონტაქტო ნომრების შესახებ ჰკითხეს, თუ ვის ეკუთვნოდა ესა თუ ის ნომერი.

„ავტომატური ჩაწერის რეჟიმი მქონდა ჩართული, მაგრამ ხან მუშაობს, ხან არ მუშაობს. ეტყობა გაშიფრეს ყველაფერი, მაგრამ ისეთ ნადვილად ვერაფერს ნახავდნენ. „ფესბეში“, თუ „კა გე ბე-ში“ დაახლოებით, 2000-მდე ნომერი ამოაგდეს ჩემს ტელეფონში. ყველას შესახებ მეკითხებოდნენ. რაც ვიცოდი, ვეუბნებოდი ვინ იყო. ნახევარზე მეტი ავადმყოფი იყო და არ მახსოვდა ვინ იყო“, - განაცხადა ვაჟა გაფრინდაშვილმა.

ე.წ. საზღვრის უკანონო გადაკვეთის ბრალდებით დაკავებული ექიმი ვაჟა გაფრინდაშვილი დღეს გაათავისუფლეს. ქართველი ექიმი საოკუპაციო რეჟმმა 2019 წლის 9 ნოემბერს დააკავა. საოკუპაციო რეჟიმის ე.წ სასამართლომ მას 1 წელი და 9 თვე მიუსაჯა.

იხილეთ ვიდეო

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი