მიმდინარე წელს ევროკავშირის ქვეყნებიდან 482 418 საერთაშორისო ვიზიტი შედგა. როგორც ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა 2019 წლის ანგარიშის პრეზენტაციაზე განაცხადა, აღნიშნული მაჩვენებელი 2018 წელთან შედარებით 25,7%-ით მეტია.

ტურიზმის ეროვნული ადმინისტრაციის ინფორმაციით, განსაკუთრებული ზრდით გამოირჩეოდა შემდეგი ქვეყნები: პოლონეთი +31.7% , იტალია +22.4% , გერმანია +38.2%, საფრანგეთი +28.3% , გაერთიანებული სამეფო +27.4%.

2019 წელს შემოსავლები ევროკავშირის ქვეყნების მიმართულებიდან 450,590,224 აშშ დოლარს შეადგენს, 2018 წელთან შედარებით ზრდა +19,5%-ია.

მიმდინარე წელს ყველაზე მეტი საერთაშორისო ვიზიტი საქართველოში შემდეგი ქვეყნებიდან განხორციელდა: აზერბაიჯანი, რუსეთი, სომხეთი, თურქეთი, უკრაინა, ისრაელი, ირანი, ყაზახეთი, გერმანია, პოლონეთი, საუდის არაბეთი, ბელარუსი, ინდოეთი, ჩინეთი, აშშ.