არჩილ თალაკვაძე ლიეტუვას სეიმის საქართველოს პარლამენტთან მეგობრობის ჯგუფის ხელმძღვანელს, ჟიგიმანტას პავილიონისს შეხვდა

საქართველოს პარლამენტის თავმჯდომარე, არჩილ თალაკვაძე ლიეტუვას სეიმის საქართველოს პარლამენტთან მეგობრობის ჯგუფის ხელმძღვანელს, ჟიგიმანტას პავილიონისს შეხვდა.

როგორც „ინტერპრესნიუსს“ საქართველოს პარლამენტის პრესსამსახურიდან აცნობეს, მხარეებმა ორ ქვეყანას შორის არსებულ მეგობრული და პარტნიორული ურთიერთობები მიმოიხილეს და საპარლამენტო თანამშრომლობის დინამიკა შეაფასეს. ხაზი გაესვა სავაჭრო-ეკონომიკური, განათლებისა და თავდაცვის მიმართულებით თანამშრომლობის პოტენციალსა და ამ მხრივ კავშირების ინტენსიფიკაციის მნიშვნელობას.

მათივე ინფორმაციით, მხარეებმა ასევე, მზადყოფნა დაადასტურეს საქართველოსა და ლიეტუვას შორის შრომითი მიგრაციის კუთხით თანამშრომლობისთვის. ყურადღება გამახვილდა საქართველოს ოკუპირებულ რეგიონებში არსებულ საგანგაშო მდგომარეობასა და საქართველოს მთავრობის სამშვიდობო ინიციატივაზე.

არჩილ თალაკვაძემ სტუმარს მადლობა გადაუხადა ლიეტუვას მხრიდან საქართველოს დემოკრატიული ტრანსფორმაციისა და ტერიტორიული მთლიანობის, ასევე ოთხოზორია-ტატუნაშვილის სიის მხარდაჭერისთვის.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს