ცეცხლსასროლი იარაღის უკანონო შეძენა-შენახვა ტარების ბრალდებით დააკავებულ გიორგი რურუას სასამართლო პროცესზე ხმაურია.

მოსამართლე ნინო ჩახნაშვილის გადაწყვეტილებით, დარბაზში წესრიგის დაცვის მიზნით სხდომა დაიხურა. აღნიშნულს დარბაზში მყოფთა მხრიდან სტვენა და ხმაური მოჰყვა.

„მონა ხარ!", „ბიძინას მონა ხარ", - ამ სიტყვებით მიმართავენ დარბაზში მყოფები მოსამართლეს.

გიორგი რურუას ახლობლები და მეგობრები აცხადებენ, რომ ისინი დარბაზს არ დატოვებენ.

ცნობისთვის, გიორგი რურუა სამართალდამცავებმა 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. მას აღკვეთის ღონისძიების სახით პატიმრობა აქვს შეფარდებული.

პროკურატურის ინფორმაციით, გიორგი რურუას ბრალდებას დაემატა ახალი მუხლი, რომელიც სასამართლო გადაწყვეტილების შეუსრულებლობასა და მისი შესრულებისათვის ხელის შეშლას გულისხმობს.