საქალაქო სასამართლოში ლაშა ჩხარტიშვილის პროცესი მიმდინარეობს

თბილისის საქალაქო სასამართლოში დღეს პარლამენტის მიმდებარე ტერიტორიაზე დაკავებული “ლეიბორისტული პარტიის” წევრის ლაშა ჩხარტიშვილის სასამართლო პროცესი მიმდინარეობს. ჩხარტიშვილს წვრილმან ხულიგნობასა და სამართალდამცველების მიმართ დაუმორჩილებლობას ედავებიან. საქმეს მოსამართლე ნინო თარაშვილი განიხილავს.

ბრალდების მხარემ სასამართლოს ვიდეო-ჩანაწერი წარუდგინა და საქმეზე მისი მტკიცებულების სახით დართვის თაობაზე შუამდგომლობა დააყენა.

ჩხარტიშვილის ადვოკატმა ია სირანიშვილმა კი სასამართლო პროცესის გადადება მოითხოვა, რათა დაცვის მხარეს ჰქონდეს საკმარისი დრო მტკიცებულებების მოპოვებისთვის.

შეგახსენებთ, პარლამენტის შენობის წინ მოძრაობა „შეცვალეს“ აქტივისტებსა და სამართალდამცავებს შორის დაპირისპირება მოხდა. აქტივისტები პარლამენტის შენობის წინ იმ ტერიტორიაზე ცდილობდნენ მისვლას და პროტესტის გამოხატვას, სადაც რამდენიმე დღის წინ კარვები იყო გაშლილი, დღეს კი გასართობი სივრცეა მოწყობილი, თუმცა მათ ამის საშუალება სამართალდამცავებმა არ მისცეს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს