ერაყში ძალადობა უნდა შეჩერდეს, ვიდრე სიტუაცია კიდევ უფრო არ გაუარესდება, - ამის შესახებ ევროკავშირის უმაღლესი წარმომადგენლის ჯოზეფ ბორელის მიერ გავრცელებულ განცხადებაშია ნათქვამი.

„ევროკავშირი მოუწოდებს ყველა ჩართულ მხარესა და ყველა პარტნიორს, ამ მნიშვნელოვან მომენტში მაქსიმალური თავშეკავება და პასუხისმგებლობა გამოიჩინონ“, - აღნიშნულია განცხადებაში.

ჯოზეფ ბორელი მიიჩნევს, რომ კიდევ ერთი კრიზისი რისკის ქვეშ აყენებს მრავალწლიან ძალისხმევას, რომლის მიზანიც ერაყში სიტუაციის სტაბილიზაციაა და საფრთხეს უქმნის მთელ რეგიონს.

„კიდევ ერთი კრიზისი რისკის ქვეშ აყენებს მრავალწლიან ძალისხმევას, რომლის მიზანიც ერაყში სიტუაციის სტაბილიზაციაა. გარდა ამისა, მიმდინარე ესკალაცია საფრთხეს უქმნის მთელ რეგიონს, რომლის მოსახლეობაც სიმშვიდეში ცხოვრებას იმსახურებს. ურთიერთგაგებისა და გრძელვადიანი გადაწყვეტილებების მიღწევის მიზნით მეტი დიალოგი და ძალისხმევაა საჭირო“ , - ნათქვამია ჯოზეფ ბორელის განცხადებაში.

მისივე თქმით, სიტუაციის განმუხტვისა და კონფლიქტის დინამიკის შეჩერების მიზნით, ევროკავშირი ყველა მხარესთან ერთად ჩართულობის გასაგრძელებლად მზადაა.