ერაყში, ირანის მიერ მხარდაჭერილი გასამხედროებული დაჯგუფების კოლონაზე თავდასხმის დროს, სულ მცირე ექვსი ადამიანი დაიღუპა. ერაყის სახელმწიფო ტელევიზიის ინფორმაციით, თავდასხმა ბაღდადის ჩრდილოეთით, ტაჯის გზაზე მოხდა.

მათივე ინფორმაციით, თავდასხმა ამერიკის ძალებმა განახორციელეს, თუმცა ამ დრომდე თემაზე კომენტარი აშშ-ის ოფიციალურ უწყებებში არ გაუკეთებიათ.

ცნობისთვის, აღნიშნული თავდასხმა ბაღდადის აეროპორტში აშშ-ის მიერ განხორციელებული ოპერაციის მეორე დღეს განხორციელდა, რომლის დროსაც „ყუდსის ძალების“ გენერალი, ყასიმ სულეიმანი გარდაიცვალა.