თბილისის საქალაქო სასამართლოში პარლამენტთან ადმინისტრაციული წესით დაკავებული ბექა ბასილაიას სასამართლო პროცესი გადაიდო.

როგორც „ინტერპრესნიუსს” ბასილაიამ განუცხადა, პროცესი მოსამართლის ჯანმრთელობის მდგომარეობის გამო გადაიდო. მისივე თქმით, სასამართლო პროცესი 13 იანვარს, 12:00 საათზე გაიმართება.

შეგახსენებთ, რომ ბექა ბასილაია და კიდევ რამდენიმე პირი 31 დეკემბერს დილით, პარლამენტთან ადმინისტრაციული წესით დააკავეს.