ამირან გამყრელიძე - მწვავე რესპირატორული ინფექციებით ჰოსპიტალიზაციის მაჩვენებელი, დეკემბრის ბოლო კვირასთან შედარებით, დაახლოებით 3%-ით მომატებულია

"ჩვენი ქვეყნისთვის განსაზღვრულ ეპიდემიურ ზღვართან შორს ვართ", - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალურმა დირექტორმა, ამირან გამყრელიძემ პრესკონფერენციაზე განაცხადა,რომელზეც გრიპის ეპიდსიტუაციის მიმდინარეობის შესახებ მედიას ინფორმაცია მიაწოდა.

მისი თქმით, ამ დროისთვის ეპიდსიტუაცია ქვეყანაში მართვადია და კონტროლს ემორჩილება.

“ყოველ ორშაბათს ვაჯამებთ ქვეყანაში ეპიდზედამხედველობის მონაცემებს და გვაქვს ინფორმაცია 2 მთავარი ინდიკატორის მიხედვით. ერთია ქვეყანაში გრიპის და გრიპის მსგავსი რესპირატორული ინფექციების ახალი შემთხვევების რაოდენობა 100 000 მოსახლეზე, რომელიც განისაზღვრება ჩვენი საყრდენი ბაზების მიხედვით და გვაძლევს ინფორმაციას სიტუაციური ანალიზისთვის, თუ როგორია მიმართვიანობა ქვეყანაში; მეორე არის ე.წ. მძიმე-მწვავე რესპირატორული ინფექციებით ჰოსპიტალიზების მაჩვენებელი. პირველი ინდიკატორის მიხედვით, აღვნიშნავდით, რომ დეკემბრის ბოლო 3 კვირა ხასიათდებოდა გრიპისა და გრიპის მსგავსი ინფექციების მიმართვიანობის და ახალი შემთხვევების მიხედვით, იანვრის პირველი კვირის მონაცემებით, ასეც ვპროგნოზირებთ, მიმართვიანობა როგორც წესი, იკლებს. დღევანდელი ციფრი 100 ათას მოსახლეზე არის 191. თუ დეკემბრის ბოლო კვირაში გვქონდა 312, ახლა არის - 191, რომელიც ნაკლებია როგორც წინა კვირასთან, ასევე გასული წლის, 2019-ის პირველ კვირასთან მიმართებაში. ასე რომ, სიტუაცია უფრო სიმშვიდისკენ მიდის. მეორე ინდიკატორი, მძიმე-მწვავე რესპირატორული ინფექციებით ჰოსპიტალიზაციის მაჩვენებელი, დეკემბრის ბოლო კვირასთან შედარებით, არის ოდნავ, დაახლოებით 3%-ით მომატებული. თუ დეკემბრის ბოლო კვირას გვქონდა 19%, ახლა არის 22%. ანუ, ჰოსპიტალიზაციის წილი მძიმე მწვავე რესპირატორული ინფექციებით მომატებულია, თუმცა ის ორჯერ ნაკლებია გასული წლის ანალოგიურ პერიოდთან მიმართებაში", - აღნიშნა გამყრელიძემ.

მისივე თქმით, წინა წელთან შედარებით ოდნავ მშვიდი პროცესია გრიპთან მიმართებაში. მისი თქმით, ამის ძირითადი განმაპირობებელია, რომ პრევალირებს „ბ“ ტიპის გრიპის ვირუსი.

„დაავადებათა კონტროლის ცენტრი მუდმივ მონიტორინგს აწარმოებს, თუ რა ტიპის ვირუსები ცირკულირებს, მათ შორის გრიპის ვირუსი როდის გამოჩნდა, რომელი ტიპისა და ქვეტიპის და ა.შ. ბოლო კვირის მონაცემებით დასტურდება, რომ წლევანდელ სეზონზე პრევალირებს „ბ“ ტიპის გრიპის ვირუსი, რომელიც ხასიათდება შედარებით კლინიკურად უფრო მსუბუქი და საშუალო სიმძიმის მიმდინარეობით. ამიტომ არის, რომ შარშანდელთან შედარებით ჰოსპიტალიზაციის მაჩვენებელი ნაკლებია. შარშან ძირითადად „ა“ ტიპის ვირუსი პრევალირებდა, H1 ქვეტიპით, რასაც ღორის გრიპს ეძახით და ის უფრო მეტი აგრესიულობით ხასიათდება", - განაცხადა გამყრელიძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს