გაერთიანებული წყალმომარაგების კომპანია - გუდაურსა და ბაკურიანში სასტუმროებისა და მოსახლეობის აბსოლუტურ უმრავლესობას წყალი სტაბილურად მიეწოდება

რეგიონული განვითარებისა და ინფრასტრუქტურის სამინისტროსა და გაერთიანებული წყალმომარაგების კომპანიის ხელმძღვანელები, ტექნიკური ჯგუფები 24-საათიან რეჟიმში მუშაობენ გუდაურსა და ბაკურიანში წყლის მიწოდებაში არსებული ხარვეზების მოსაგვარებლად. ამის შესახებ „ინტერპრესნიუსს“ გაერთიანებული წყალმომარაგების კომპანიიდან აცნობეს.

კომპანიის ინფორმაციით, ორივე მთიან კურორტზე, სასტუმროებისა და მოსახლეობის აბსოლუტურ უმრავლესობას წყალი სტაბილურად მიეწოდება, ხოლო იქ, სადაც წნევა დაბალია, პრობლემის მოგვარებას უახლოეს საათებში ვარაუდობენ. მათი ცნობით, ბაკურიანში, სასტუმროების მფლობელები ამბობენ, რომ წყლის მიწოდება გაუმჯობესდა.

„რეალურად, ამ წუთას, ჩემთან მდგომარეობა გაუმჯობესებულია და გვპირდებიან, რომ ხვალ-ზეგ ეს პრობლემებიც გადაიჭრება. გაერთიანებული წყალმომარაგების კომპანიის წარმომადგენელი მეუბნება, რომ მიწოდების ხარისხი ჩემი შიდა პრობლემაა, რომელსაც ასევე გადამიჭრიან რაღაც პერიოდის განმავლობაში. ვიცი, რომ სხვა კომპანიებშიც მოგვარებულია უკვე ეს პრობლემა,“ - ამბობს სასტუმრო „მგზავრების“ დირექტორი ნათია ტრაპაიძე.

გაერთიანებული წყალმომარაგების კომპანიის ინფორმაციით, ბაკურიანში, კიდევ ერთი სასტუმროს - „კრისტალის“ მფლობელი ვლადიმერ სტეპანიანი აღნიშნავს, რომ მიმდინარე სეზონზე წყალი სტაბილურად მიეწოდება.

„წელს ძალიან ბევრი დამსვენებელი გვყავს და ყველა პირობა გვაქვს იმისთვის, რომ სრულყოფილად გავუმასპინძლდეთ. ადრე, ცოტა გზასთან იყო პრობლემა საცობებთან დაკავშირებით, მაგრამ ახლა შემოვლითი გზა გაკეთდა და ძირითადად, ესეც განიტვირთა, წყალი და დენი კი უწყვეტად გვაქვს. ზამთრის კურორტი ცოტა სპეციფიკურია და როცა ასეთ ბიზნესში ხარ, მომზადებაა საჭირო,“ - ამბობს სტეპანიანი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს