ამერიკის სენატში „დემოკრატების“ ლიდერმა ჩაკ შუმერმა და სენატის უცხოეთის საქმეთა კომიტეტის თავმჯდომარის მოადგილე რობერტ მენენდესმა ამერიკის პრეზიდენტს დონალდ ტრამპს მოუწოდეს, სრულად გაშიფროს ირანელ გენერალ ყასემ სულეიმანთან დაკავშირებით ჩატარებული ოპერაციის საფუძველი.
„გწერთ თხოვნით და მოგიწოდებთ, დაუყოვნებლივ გაშიფროთ 2020 წლის 4 იანვრის უწყება სამხედრო უფლებამოსილების შესახებ, რომელიც თქვენ გაუგზავნეთ კონგრესს აშშ-ს სამხედრო ოპერაციის შემდეგ, „ყუდსის ისლამური რევოლუციის გუშაგთა კორპუსის“ ძალების სარდლის ყასემ სულეიმანის წინააღმდეგ“, - ნათქვამია შუმერის მიერ „ტვიტერის“ პირად გვერდზე გამოქვეყნებულ ტრამპისადმი წერილში.
„დემოკრატების“ აზრით, პრეზიდენტის მიერ წარმოდგენილი ინფორმაცია უნდა მიეწოდოს ამერიკელ ხალხსაც.