8 იანვრიდან,  ჭავჭავაძის გამზირის გარკვეულ მონაკვეთზე საავტომობილი მოძრაობა შეიზღუდება

ხვალიდან, 8 იანვრიდან კავსაძის ქუჩიდან ყიფშიძის ქუჩის მიმართულებით ჭავჭავაძის გამზირი გადაიკეტება. ამის შესახებ თბილისის მერიის ტრანსპორტის საქალაქო სამსახურის უფროსმა ვიქტორ წილოსანმა ჟურნალისტებთან საუბრისას განაცხადა.

წილოსანის ინფორმაციით, ვაკის პარკიდან ვარაზის ხევამდე აბაშიძის გამზირი, ხოლო ვარაზის ხევიდან ვაკის პარკის მიმართულებით ფალიაშვილის გამზირი ცალმხრივი იქნება და ეს შეზღუდვა დაახლოებით 2 თვის განმავლობაში იმოქმედებს.

“8 იანვრის ღამის 01:00 საათიდან გადაიკეტება კავსაძიდან ყიფშიძის მიმართულებით ჭავჭავაძის გამზირი. შესაბამისად სატრანსპორტო საშუალებები შემდეგი მიმართულებებით შეძლებენ გადაადგილებას: ვაკის პარკიდან ვარაზის ხევამდე ცალმხრივი იქნება აბაშიძის გამზირი და ვარაზის ხევიდან ვაკის პარკის მიმართულებით ასევე ცალმხრივი იქნება ფალიაშვილის გამზირი. ჭავჭავაძის გამზირზე, ვარაზის ხევიდან კავსაძის მიმართულებით დარჩება იგივენაირად, ორმხრივად მოძრაობა. ასევე მნიშვნელოვანია, რომ არაყიშვილიდან რამიშვილის მიმართულებით შესაძლებელი იქნება ჩასვლა ახალ გზაზე. მაქსიმუმ 2 თვის განმავლობაში იქნება ჩაკეტილი”,- განაცხადა წილოსანმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია