მიხეილ რამიშვილი - ყველანაირად ვეცდები, რომ დეკანოზ გიორგი მამალაძეს შიმშილობა გადავათქმევინო

დეკანოზ გიორგი მამალაძის მოსანახულებლად გლდანის ციხეში მისი ადვოკატი, მიხეილ რამიშვილი მივიდა.

როგორც რამიშვილმა ჟურნალისტებს გლდანის ციხეში შესვლამდე განუცხადა, ის დეკანოზის ჯანმრთელობის მდგომარებით დაინტერესდება და იმ შემთხვევაში, თუ დეკანოზს შიმშილობის გადაწყვეტილება აქვს მიღებული, შეეცდება, რომ გადააფიქრებინოს.

„პირველ რიგში უნდა გავერკვიო მისი ჯანმრთელობის მდგომარეობაში და შესაბამისად, თუ ეს გადაწყვეტილება აქვს მიღებული, ყველანაირად ვეცდები, რომ გადავათქმევინო შიმშილობა იმიტომ, რომ ეს იმ ადამიანების წისქვილზე ასხამს წყალს, რომლებმაც თავიდან ბოლომდე ეს სიბინძურე და ეს არაადამიანური, ორგანიზებული ქმედებები განახორციელეს დეკანოზის წინააღმდეგ", - განაცხადა ადვოკატმა.

კითხვაზე, ხომ არ ფიქრობენ ადვოკატები სასჯელის გადავადებაზე, ის პასუხობს, რომ ისინი ყველა გზას განიხილავენ.

„ჩვენ ყველაფერზე ვფიქრობთ, იქედან გამომდინარე, რომ ჩვენ გვაქვს ექსპერტიზის ორი დასკვა, რომელიც ერთმანეთს არ შეესაბამება და პირდაპირ ნათლად ჩანს, რომ პენიტენციურმა სისტემამ სადაც ჩაატარა ექსპერტიზა, ეს არის შეკვეთილი, რაც სურდათ, სიმულაციის ჩაწერა, ის ჩაუწერეს, რაც აბსურდი და სირცხვილია ექიმები რომ ასეთ დონემდე მიდიან და ასეთ გარიგებას აწარმოებენ ხელისუფლებასთან და გარკვეულ პირებთან. რა თქმა უნდა, ყველაფერს გამოვიყენებთ, რომ ერთხელ და სამუდამოდ ამ ქვეყანაში იყოს სამართლიანობა და არ ეწირებოდეს არავის სიცოცხლე და არც ჩვენი მომავალი გარკვეული პირების პირად ამბიციებს და ვანდალურ, არაადამიანურ, ცხოველურ მიზნებს", - აღნიშნა ადვოკატმა.

რაც შეეხება დეკანოზის ოჯახის მხრიდან გაკეთებულ განცხადებებს, რომ ოჯახი საპატრიარქოსთან დაკავშირებით კონკრეტულ ინფორმაციას ფლობს და ამის გავრცელებას აპირებს, ადვოკატმა თქვა, რომ დეტალებზე გამოსვლის შემდეგ ისაუბრებს.

იხილეთ ვიდეო

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება