დეკანოზი გიორგი მამალაძე სახალხო დამცველთან შეხვედრას ითხოვს

დეკანოზი გიორგი მამალაძე სახალხო დამცველთან შეხვედრას ითხოვს. ამის შესახებ ინფორმაციას მისი ადვოკატი მიხეილ რამიშვილი ავრცელებს. როგორც რამიშვილმა ჟურნალისტებს განუცხადა, მსჯავრდებული შიმშილობას გააგრძელებს იქამდე, სანამ ომბუდსმენს არ შეხვდება.

მიხეილ რამიშვილი ნინო ლომჯარიას მოუწოდებს, მამა გიორგი მამალაძე უახლოეს მომავალში მოინახულოს, რადგან მისი თქმით, დეკანოზის სიცოცხლისთვის თითოეული წუთი არსებითია.

„დეკანოზის შიმშილობა არ ეხება შეწყალების საკითხს. მისი მოთხოვნაა, რომ შეხვდეს სახალხო დამცველს. მე ნინო ლომჯარიას მივმართავ, დაუყოვნებლივ ინახულოს დეკანოზი გიორგი მამალაძე. მას მიზანმიმართულად უტარდება მისი ჯანმრთელობის მდგომარეობასთან შეუსაბამო მკურნალობა. თითქმის არაფერს აკეთებენ. იმ პროცედურებსა და გარემოს, რაც დეკანოზს სჭირდება, სასჯელაღსრულების დაწესებულებიდან ვერ იღებს. მათ არ გააჩნიათ არც მედიკამენტები და არც სპეციალისტები, რაც დეკანოზს სჭირდება. შესაბამისად, მასთან დაპირისპირებაში მყოფი პირები მშვიდად არიან იმ თვალსაზრისით, რომ ყველანაირი პირობებია ფატალური შედეგის დასადგომად. მე დარწმუნებული ვარ, როდესაც სახალხო დამცველი ჩაერთვება ამ საქმეში, ის პირად კონტროლზე აიყვანს იმ სამედიცინო საკითხებს, რომელიც დეკანოზის სიცოცხლისთვის საჭიროა. დეკანოზი არ წყვეტს შიმშილობას იქამდე, სანამ არ ნახავს სახალხო დამცველს. ამიტომ მე ნინო ლომჯარიას მივმართავ, ნუ დაველოდებით დღეებს, მისთვის ყოველი წუთი მისი სიცოცხლისთვის არსებითია,“ - განაცხადა მიხეილ რამიშვილმა.

ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ქართული პრესის მიმოხილვა 10.02.2025
პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო