უკრაინის საგარეო საქმეთა სამინისტრომ და ირანში უკრაინის საელჩომ თვითმფრინავის ჩამოვარდნაზე მათ მიერ გავრცელებული ინფორმაცია წაშალეს და დააზუსტეს, რომ ტრაგედიის მიზეზის დადგენა მიმდინარეობს

უკრაინის საგარეო საქმეთა სამინისტრომ და ირანში უკრაინის საელჩომ, ინფორმაცია, რომელშიც უარყოფდნენ, რომ ბოინგ-737-ის ტიპის თვითმფრინავი სარაკეტო თავდასხმის ან ტერორისტული აქტის შედეგად ჩამოვარდა, წაშალეს.

საგარეო საქმეთა სამინისტროს გვერდზე წაშლილია წინადადება, სადაც ეწერა, რომ „არსებული ინფორმაციით, გამოირიცხება ტერორისტული აქტი და სარაკეტო თავდასხმა“. დარედაქტირებული განცხადების თანახმად, უკრაინის საელჩო ირანში ცდილობს დაადგინოს კატასტროფის გამომწვევი მიზეზები.

რაც შეეხება ახალ განცხადებას, რომელიც საელჩოს გვერდზე გამოქვეყნდა, წერია, რომ „კომისიის მიერ მიმდინარეობს კატასტროფის მიზეზების დადგენა. ნებისმიერი განცხადება, რომელიც კომისიის გადაწყვეტილებამდე იქნა გავრცელებული, არ არის დადასტურებული“.

ამასთან, უკრაინის საერთაშორისო ავიახაზებმა დაადასტურა ინფორმაცია, რომ ხომალდი, რომელიც თეირანი-კიევის ფრენას ახორციელებდა, აგებული იყო 2016 წელს. მათივე ცნობით, მგზავრების ზუსტი ციფრი, ამ დრომდე დადგენილი არ არის.

შეგახსენებთ, რომ ირანში უკრაინის საერთაშორისო ავიახაზების კუთვნილმა ბოინგ-737-ის ტიპის თვითმფრინავმა კატასტროფა განიცადა. ყველა - 180-მდე ადამიანი, რომელიც ბორტზე იმყოფებოდა, დაიღუპა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)