პენიტენციური სამსახური დეკანოზ გიორგი მამალაძის ჯანმრთელობის მდგომარეობაზე ინფორმაციას არ ასაჯაროებს

პენიტენციური სამსახური დეკანოზ გიორგი მამალაძის ჯანმრთელობის მდგომარეობასთან დაკავშირებით კომენტარს არ აკეთებს.

მსჯავრდებული სასულიერო პირის ჯანმრთელობის მდგომარეობის საკითხზე უწყებას ambebi.ge დაუკავშირდა, თუმცა პენიტენციურ სამსახურში მხოლოდ ის განაცხადეს, რომ დეკანოზსს ყველა შესაბამისი სამედიცინო სერვისი მიეწოდება. უწყებამ არ დააკონკრეტა არც დეკანოზის ამჟამინდელი მდგომარეობა და არც ის, კონკრეტულად რა მკურნალობა უტარდება მას.

შეგახსენებთ, რომ ადვოკატების ინფორმაციით, დეკანოზ გიორგი მამალაძის ჯანმრთელობის მდგომარეობა უკიდურესად დამძიმებულია.

„დეკანოზის ჯანმრთელობის მდგომარეობა მართლაც კრიტიკულია. ნაომარი, ხეიბარი ვეტერანები რომ არიან, ასეთ მდგომარეობაშია. მარჯვენა ხელ-ფეხი აქვს უმოქმედო და ფორმაც კი დაკარგული აქვს. მარცხენა და მარჯვენა მხარე ერთმანეთისგან განსხვავდება. გადაადგილება უჭირს და საკაცით ჩამოჰყავთ. არც ჯდომა შეუძლია. წოლით მდგომარეობაშია. ყველანაირი პირობა აქვს შექმნილი, რომ სამედიცინო დახმარება არ მიიღოს, კომუნიკაცია ვერ დაამყაროს, ვისთანაც უნდა. გესტაპოს პერიოდში შექმნილი პირობები საქართველოში 21-ე საუკუნეშიც მოქმედებს...

მას მიზანმიმართულად უტარდება მისი ჯანმრთელობის მდგომარეობასთან შეუსაბამო მკურნალობა. თითქმის არაფერს აკეთებენ. იმ პროცედურებსა და გარემოს, რაც დეკანოზს სჭირდება, სასჯელაღსრულების დაწესებულებიდან ვერ იღებს. მათ არ გააჩნიათ არც მედიკამენტები და არც სპეციალისტები, რაც დეკანოზს სჭირდება,“ - განუცხადა დეკანოზ გიორგი მამალაძის ადვოკატმა, მალხაზ რამიშვილმა დღეს ჟურნალისტებს, რომელმაც გლდანის მე-8 სასჯელაღსრულების დაწესებულაში მსჯავრდებული სასულიერო პირი მოინახულა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს